صباح العيد … تـطوف الذكرى في قلبي … تصحي خافقي … الشفقان

صباح العيد … 

تـطوف الذكرى في قلبي … 

تصحي خافقي … الشفقان … 

رجـعت أعزف لأعيادي  … 

نشيد الارض  .. للانسان  ..

نـهار الـعيد زارتني  ...

مشاعر ترفض  .. الكتمان ..

وأصـيح ويحترق صوتي  … 

(وئام) يا روحي .. العيد أحزان ..

ذكرتك والحزن ينثر … 

دموعه في أرض حرماني  ..

(وئام) بـداخلي تبقى  ..

 للأبد روح تخالط الوجدان  ..

وويـن أهـرب مـن آلامي  ..

وأنا الالآم  … عنواني  ..

حكاية فقدي الموجع ....

(وئام) .. يـا أغـلى من رحل 

روحي تعايد بك بوجداني

ياأجمل ضحكة بالدنيا

تمثل  عالم الاطفال..

حكاية (فقد)..تبان في حلقي …  

غصات حيره  .. ورجفة أيد ..

وتناهيد .. في جدار القبر...

كنها ظلام الليالي ..بوحشة بيد ..

ثقيله هالدقايق

اذا كان الوجع 

بـ عمر ..انسان 

ثقيله يا ثواني 

هي بداية... (تمر ازمان )

بغيضه يالدموع اللي على الخدين … 

ودعت طفلة بعمر الورد … وكبر الجرح 

حزينه يا الأماني ..ليه ؟ّ

أنا مدري .. حتى نسيت إني أنا المسؤل ؟!

عن الحصه / عن التلميذ / وآخر درس

أنا مدري ..

أنا ليه اكتب حروف اللحين ؟!!

أحاول...اشرح ..الحزن الدفين 

بثرثرات ...حروف ...وغصت عين 

 صغيرتي (وئام) ... 

رحمها الله تعالى ..

كنت معها لا أعرف الحزن ..

تغرد لي بصوتها النعسان ..

وتعزف أعذب الألحان ..

(بابا ..عمري ..حبيبي 

لا تتْأخر ...

أبي ترجع قبل ما أنام ..

أبي أتلحف حنانك... 

وتقول تصبحين بخير .. 

مع بوسه على خدي ..

بعدها أنام ..

وقبل ما أنسى ..يابابا .. أسمع ..

أبي كراسة رسم ..

وأبي أقلام للتلوين ..

وأبي فستان ...

وأبيك أنت ..تلبسني ..

تحمل يا بابا أرجوك ..

وكان آخر ..وصاياها ..

أبي نشيد لحفلة نهاية العام ..

وعلى غفله ...

تفارقنا .. بلا توديع ..

وانتهت قصة...(الغالية..بنتي .. وئام) ..

وابتدت ...قصة الحزن .....الأليمة ..

يضيق بدمعتي ..

صمت الشبابيك.. الكئيبه ..

على الجدران ..

تحاول ...تنحر إجابة هالسؤال اللي 

تفجر ...في قصيدة حزن ...

بلا..عنوان ..

تعبت أسأل زوايا الكون ..

تعبت أسأل ملفاتك .. 

تعبت آرتب أغراضك  ..

واحضن غيابك ..

تعبت اكذب على دمعي 

وارتب عيني وأعمالك ...

(وئام .. ياروحي )؟!

الف الكون ..واتذكر ....

هنا ..تمشي ...

هنا تجلس ..

هنا تضحك ..

هنا كنا على شانك .. 

نجي نسهر ..

نجي نلعب ..

ويقطع حزن هالافكار ..

طريق المدرسة و الدار...

وأصيح بصوت ...واتحشرج ..

منو بالباب ؟!..منو اللي دق هذا الباب؟!

هنا ألعابك ..وأقلام ...

هنا الهدايا .. وبعض من شهاداتك ..

ولما جيت المدرسة ..

وأشوف بعض من زميلاتك  ..

تذكرت أشهر صديقاتك  ..

كرهت المدرسه ...والدرس ..

ولا حد فيني بيحس ...

تذكرني بغيابك... كتاباتك ..

معلمتك ... وبعض مطوياتك ..

مشاريعك ..  وعلاماتك ..

كلامي يا روحي وقلبي ..حارق 

كلامي مر ...

وانا اقرا في دفاترك القديمة ..

(اسمك .. وبعض من طموحاتك ) ..

من اللي فرحتي تتكحل بعينه ؟!

وضحكاته ..

كيف أفرح ..وتختنق فرحه 

وسط صدري ..

تجيني الناس وتبارك ....

وهذا الحزن بي حارث ..

ولا تدري ...

بأني فاقد غلات الروح ..